89
相信大家近期都頻頻經歷打風，早幾日的「暹芭」八號風球，到而家的「馬鞍」，打亂了大家的計劃，最煩係天文台經常出玩文字遊戲，又「中午初時、晚時」、「下午初」、「傍晚」、「考慮提早」「或者」，都不知道邊一個才是準確。令到一眾打工仔或返學的小朋友，要逼住返工返學，又搞成身濕晒，相當狼狽。
8號風球推薦活動 （一）：打機
小編作為打機專員，只好襯8號風球，在家打機，專心研究遊戲，老細搵我都係咁話，8號風球仲要做野？
其實我都係講下笑，老細搵我有得唔做咩？有得home office其實都唔知道是好事定壞事，究竟我仲駛唔駛做野？
8號風球推薦活動 （二）：睇Netflix
如果係屋企，又要stand by，不如就一面做野一面睇下劇啦，唔知道近期大熱既魷魚遊戲大家睇左未？小編就未開始睇，因為小編睇緊一套美劇叫「Blacklist」，其實套劇出左好耐，已經有八季，經過努力，終於睇左六季，是一套非常緊湊刺激的犯罪、劇情美國連續劇。
8號風球推薦活動 （三）：網上自修
如果乜都唔駛做，當然瞓覺休息都係一個非常好既選擇，如果瞓唔到覺可以上網搵啲野學下，近期我就學緊整網店，將自己既小手飾擺上網店賣，原來整網店都唔係好難，學幾個鐘就學識，當然你要花時間去練習，但唔識上網睇，或者問下Google大神。如果有興趣可以去呢間中心學「點止學嘢」，我就淨係睇片，無去實體上堂，但我覺得去實體會好啲，可以即場問，同跟住老師做會好啲。
8號風球最緊要安全
如果無咩事都係留係安全地方，唔好亂出去啦，有邊個8號風球想返工，有啲行業一定要謹守崗位，所以要respect！
小編都希望，如果作為公司僱主都體諒下員工，如果知道打風，提早比員工放工，盡快回家去，唔好等到真係掛8號球先比人走（利申：我唔係話我老細）。亦希望天文台準確一啲報告呢個天氣情況。
最新消息：現在「圓規風球」逼近，已維持3號信號一段時間，天文台考慮會在下午四時至六時改發8號信號。
