Home 講頭家 教你4種家居消暑慳電大法 包你環保又慳到電費
家居消暑慳電方法

教你4種家居消暑慳電大法 包你環保又慳到電費

by 好燒息專員
73 views

「好燒息」教你家居消暑慳電方法

電器慳電方法

一頭家真係好多洗費,水、電、煤氣費有加無減,通通一額汗!香港酷熱天氣相信大家最近幾個夏天每日都經歷緊,日日火燒一樣地出汗,汗流浹背,沖完涼未出街又已全身濕透。今年酷熱天氣警告破紀錄史上第三長,天文台發出超過286小時酷熱天氣警告!!天氣炎熱對個人體溫影響之外,香港人嘅消暑反應都間接加速全球暖化,係一個惡性循環。香港基本上每家每戶都必備一部冷氣機,可以想像屋企冷氣日開夜開真係好歎,亦係一個最佳消暑方法,但有冇留意電費亦貴咗好多?

屋企主人不如考慮以下4種家居消暑降溫大法,除左可以環保節能,最緊要當然係慳電費!

1. 採用玻璃隔熱膜

陽光主要透過窗射入屋內,而玻璃又會吸熱,令室內溫度升高,玻璃隔熱膜有效阻隔紫外線通過及將陽光反射出玻璃,造成隔熱效果。西斜嘅單位及村屋非常適合選用,坊間及網上有多款玻璃隔熱膜可供選購,質素比較參差,建議搵專業師傅貼膜,以確保玻璃隔熱膜達至最佳隔熱效果。

2. 善用風扇

家居消暑慳電方法 1_多用風扇
家居消暑慳電方法 1_善用風扇

你知道唔知道冷氣每調低一度,冷氣用電量就會上升6%?將冷氣調節至攝氏25.5度就最慳電,如果怕唔夠涼可以用風扇輔助,慳電又環保!可以安裝天花循環扇,因為較一般風扇吹得遠,亦有效增加對流效果,配合冷氣機仲可以將冷氣嘅涼風吹至角落,短時間內為室內降溫。

3. 選用隔熱窗簾

家居消暑慳電方法 3. 選用隔熱窗簾
家居消暑慳電方法 3_ 選用隔熱窗簾

想隔熱之餘又有私隱度,可以配合更換隔熱窗簾:中間有層防UV遮光紗嘅三文治窗簾、以納米級鋁絲及傳統紡織材料混紡而成嘅偏光窗簾。另外窗簾選配綠色、藍色等冷色系可以給予人涼快嘅感覺。

4. 綠化家居

家居消暑慳電方法 4_ 綠化家居種植植物
家居消暑慳電方法 4_ 綠化家居

綠色植物可以令人心曠神怡外,原來植物吸收陽光時進行光合作用,並會以蒸騰作用在空氣中散發水分,為室內降溫,甚至有數據顯示,有頂層單位喺種咗植物後,室內熱量大幅降低75%,減少紫外線及降低室溫2至4度!有啲植物仲可以吸收唔同有害物質,所以絕對係又好睇又有用。

以上4大方法消暑降溫之餘,可以顧及環保節能,為地球行多一步,減少碳排放,或者可以記埋最後一個消暑降溫心法 ─ 「心靜自然涼」。

歡迎Follow 我地 IG

You may also like

留低你嘅意見