2026年香港整個網頁幾錢？網頁設計套餐推薦

其實整一個網站，價錢可以話好海鮮，坊間平嘅套餐可以$1XXX就已經有，貴嘅幾萬都有，我可以話比你知，再貴啲可以去到幾十萬，唔好以為整個網站幾百蚊搞掂，因為要視乎好多元素。以下有5個因素影響你整網站既價錢！

1. 網站功能：

如果你功能好複雜，又要為你度身訂造嘅要求，我地俗稱tailor made網站，或者又要接駁你公司果啲嘅系統，例如POS system、CRM system等等，咁你個網站價錢當然會一般純圖片文字嘅網站貴

2.網站頁數:

呢個好容理解，如果你做一頁，同你做30頁嘅分別，用嘅時間都差好遠，如果你係網店，你有幾百隻產品，又係要花好多時間去上傳，所以每一頁都係計錢。

3.網站設計

咩叫網站設計？首先好多網頁設計公司都有兩個plan比你哋揀，
第一就係用模版去改，因為用模版去改就會慳好多時間，只需要將你地提供嘅圖片、內容、影片擺上去適當位置就可以好快完成。用模版嘅缺點通常未必有一個好完美地適合你嘅設計，用模版通常價錢會比較平。
所以以第二個Plan就係搵設計師幫你度身訂造，打造適合你公司風格、品牌嘅網頁設計layout，幫你配好晒色、字型、排版等等，平面設計師或UXUI嘅 Designer就會幫到你地去做網頁設計，所以「度身訂造」嘅網站價錢相對較貴，但就唔會千篇一律，會比模版設計較為突出！

4.網站語言 

首先整多語言網站就等於加建功能，同埋同網頁嘅頁數量都會增加。舉個例，如果你網站有兩種語言，中文＋英文，整5頁，但其實就係10頁，因為中文同英文係各5頁。
另外，網頁設計公司通常唔會包埋翻譯呢個工作，所以如果各位老闆要整多種語言既網站，記得自己或者搵人翻譯咗先去做，如果到時先再搵又浪費咗唔少時間！

5.其他雜費

• 網址費用
• SSL安全憑證 
• 伺服器寄存
• 網站維護月費